AS FESTAS

Ou quizás mellor sería falar da FESTA RACHADA. Pola súas características Verín recolle a tódala xuventude dos arredores e un número cada vez máis numeroso de xente de Portugal en busca de diversión.... e non falla nas espectativas, de novo o redor da Praza está cheo de pubs cunha oferta variada en canto a música , que últimamente se amplía polas rúas cercanas. Tamén as discotecas , a última hora da noite (ou sería mellor decir á primeira da máñá) chaman á xente con oferta de espectáculos diversos.

Pero as festas locais por excelencia son o Entroido de Verín e o Lázaro . A primeira máis universal, a segunda máis recollida , pero ambas cheas de atractivos.

O Entroido en Verín comeza ca gran festa das mulleres, sí, sí, só das mulleres o xoves de Comadres. Cea e diversión só para mulleres ....o encanto desta noite en Verín é que saen as avoas, as nais, as sogras, as tías, as fillas, as sobriñas.....e algún que outro que non se quere perder tal escaparate de "femias" e se disfraza de muller (alguén lles debería explicar que muller non é igual que "puta"....porque máis ven van do segundo...)Tomada por mulleres, Verín vibra.........vibra de verdade.

Os cigarróns son a figura dominante do entroido, eles dirixen os desfiles , moi chamativos, e os seus cencerros son a música ambiental tamén no Entroido de Verín.

O Lázaro, sete semanas despois co entroido (pra dar tempo a recuperarse) é outra festa chea de música, marcha, e xogos para os máis pequenos.

Por último destacar as festas que surxen en Verín no verán, entre as que destaca a  "Batukada" (unha reminiscencia do entroido, para todos aqueles que naquelas fechas non poden acudir ) ou o festival folk .

                         ONDE COMER E DORMIR

A oferta é moi amplia, hoteis, parador, pensións e moitísimos restaurantes. Aquí eu destaco os que para mín son máis atractivos:

Para dormir, o Parador, á beira do castelo de Monterrei ou o Hotel Restaurante "O Gallego".

Para comer, ademais deses dous tamén me parece destacable
" A Lousa" ou varias parrilladas esparexidas aquí e alá. Para bocadillos e hamburguesas, hai unha calle peatonal onde as podes disfrutar vendo ós transeúntes, para tapas abriu un novo restaurante da cadena Lizarrán; e o postre , como non, na xeadería "Viruxe".

            MÁIS INFORMACIÓN NO SEGUINTE ENLACE

   VERÍN DE NOCHE.COM